ლუკა გუადანინოს ახალი ფილმის, „მეტოქეების“ პრემიერა „კავეას“ კინოთეატრების ქსელში 35 დღით გადაიდო.
სოციალურ ქსელში გავრცელებულ ინფორმაციას, რომ ფილმი „კინოთეატრებიდან მოხსნეს“ და ეს ე.წ. „ლგბტ პროპაგანდის“ ჰომოფობიურ კანონპროექტს უკავშირებდა, „კავეაში“ უარყოფენ.
„საქართველოში განვითარებული მოვლენებიდან გამომდინარე და მათ შორის, ამ პერიოდში, კინოთეატრებში დასწრების დაბალი მაჩვენებლის გათვალისწინებით, სტუდიებთან კონსულტაციით, გადაიხედა საპრემიერო ბადე. პრემიერის თარიღის ცვლილება მიღებული პრაქტიკაა“, – უთხრეს „პუბლიკას“ კინოთეატრების ქსელის პრესსამსახურში.
ოსკარის ნომინანტი რეჟისორის ფილმი „მეტოქეები“ ჩოგბურთელების სასიყვარულო სამკუთხედზე მოგვითხრობს.